Ufugaji Nguruwe

UFUGAJI BORA WA NGURUWE.

Nguruwe ni jamii ya wanyama wasiocheua, na wenye kwato zilizogawanyika.
Wanyama wengine walio kwenye jamii hii ni pamoja na Nguruwe pori na Ngiri
Nguruwe wanafugwa maeneo mengi duniani kwa zaidi ya miaka elfu moja iliyopita
Nguruwe ni kati ya mifugo iliyoonyesha ufanisi mkubwa wa kutoa nyama na fedha kwa kipindi cha muda mfupi na hivyo kufanya kuwa aina ya mfugo anayapependwa kwenye nchi mbalimbali kwa ajili hasa ya nyama na fedha

Faida Za Ufugaji Wa Nguruwe

• Nguruwe ni mnyama anayekuwa kwa haraka sana kuliko baadhi ya mifugo mingine kama: Ngombe, Mbuzi na Kondoo
• Nguruwe huzaa na kuongezeka kwa wingi
• Anauwezo wa kutumia mabaki yasiyowezekana kwa matumizi mengine
• Anauwezo wa kutoa mafuta kwa ajili ya kupika
• Anauwezo wa kutengeneza fedha za haraka kwa ajili ya uwezo wake wa kuzaa kwa haraka na watoto wengi
• Ni rahisi kuwalisha nguruwe
• Wanaweza kukuzwa kwenye eneo dogo
• Nyama yake ni laini na yenye viini lishe vingi
• Huzalisha mbolea iliyobora kwa matumizi ya kilimo

Aina Za Nguruwe                                                                                                                                                                                                                                                                                                         Nchini Tanzania kuna aina kuu tatu za nguruwe

• Nguruwe wa kienyeji
• Nguruwe weye asili ya ugenini (Exotic breed)
• Nguruwe mchanganyiko (crosses): wenye mchanganyiko wa damu ya kienyeji na ugenini ( Local x Exotic) na wenye mchanganyiko wa damu za ugenini (exotic x exotic)backAina za Nguruwe (breeds) wenye asili ya ugenini zinazopatikana kwa wingi kwenye mazingira yetu.

Large white/Yorkshire



SIFA

Rangi nyeupe
Miili mikubwa
Masikio yaliyosimama wima
Wana asili ya Uingereza
Wanauwezo wa kuzaa watoto wengi
Wana nyama nzuri
Wana uwezo mzuri wa ukuaji

✍Landrace

SIFA


Rangi nyeupe
Miili huwa na umbo refu na huonekena wembamba
Masikio yaliyolala na kufunika sehemu ya macho
Wana asili ya Denmark
Ni wazazi wazuri
Ni wazuri kwa nyama

✍Saddle back

SIFA

Mwili wenye rangi nyeusi ulio na mshipi mweupe unaopitia kwenye mabega
Masikio ya kulala
Wana asili ya Uingereza

Mifumo Ya uzalishaji wa Nguruwe

✅Uzalishaji mkubwa (Large scale production)

✍Ufugaji wa ndani (Confinement rearing):
Ufugaji huu nguruwe wanafungwa ndani ya mabanda yaliyowekewa uzio ambapo nguruwe huwekwa kwa muda wote
Mara nyingi wanalishwa vyakula vilivyotengenezwa na vilivyokamilika kilishe (Compounded balanced rations).
Mfumo huu huhitaji kiwango kikubwa cha uelewa/taaluma ya ufugaji nguruwe

✍Ufugaji wa nje (Outdoor rearing):
Mfumo huu nguruwe hukuzwa nje
Mara nyingi hulishwa majani na chakula cha ziada cha nafaka

✅Uzalishaji mdogomdogo (Small scale production)
✍Ufugaji wa ndani
✍Ufugaji wa nje
...........................................................................................................................